Дин 27 март 2020 16:08

Татарстанда җомга намазына битлек киеп килү мәҗбүри

Коронавирус инфекциясе таралуын кисәтү өчен Татарстан Диния нәзарәтенең Голәмәләр шурасы мәчетләр өчен өстәмә тәкъдимнәр кабул итте.

Скопировать ссылку

(Казан, 27 март, «Татар-информ»). Татарстанда җомга намазына барудан тыелып торырга яки мәчеткә битлек киеп килергә кирәк. Коронавирус инфекциясе таралуын кисәтү өчен Татарстан Диния нәзарәтенең Голәмәләр шурасы өстәмә тәкъдимнәр кабул итте, дип хәбәр итә нәзарәтнең матбугат хезмәте.

Мөселманнарга җомга намазына барудан тыелып торырга, укылмый калган җомга намазын өйлә намазы уку белән алыштырырга киңәш ителә, дип карар чыгарган Голәмәләр шурасы әгъзалары.

Әгәр җомга намазын үткәрми калу мөмкин булмаса, мәчет хезмәткәрләре (имам, мөәзин, кизү торучы) санитар-эпидемиологик чаралар уздырырга тиеш.

Җомга намазына битлек кигән (медицина битлекләре, тукыма битлекләр, респираторлар, мамык-марля бәйләвечләре һ.б.), кулларын дезинфекцияләгән кешеләр генә кертелә.

#мәчет #коронавирус #җомга вәгазе #ДУМ РТ

Сәхифәләр

Татарстанда җомга намазына битлек киеп килү мәҗбүри