Татарстанда өч игез бала табучылар өчен түләүне 100 мең сумга кадәр арттырырга мөмкиннәр
Скопировать ссылку
Татарстанда өч игез бала туган гаиләләргә бирелә торган ярдәм чараларын арттырырга мөмкиннәр. Республика Рәисенең бу хактагы указының проекты коррупциягә каршы экспертиза уза.
Документ нигезендә, бер тапкыр бирелә торган түләүне һәр бала өчен 10 мең сумнан 100 мең сумга кадәр арттырырга тәкъдим ителә.
Шулай ук балаларга бер ярым яшькә кадәр бирелә торган айлык пособие күләмен дә арттыру планлаштырыла. Аның күләмен балалар өчен билгеләнгән яшәү минимумы дәрәҗәсенә җиткерергә телиләр.