Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда өч бала һәм бер өлкән кеше фейерверк белән яраланган
Бүген иртәнге сәгать дүртләр тирәсендә Казанда Чистай урамыннан Балалар республика клиник хастаханәсенә 17 яшьлек яшүсмерне китергәннәр. Ул пешкән.
«Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә сөйләүләренчә, фейерверк аркасында яшүсмернең иңбашы һәм кул чугы пешкән. Яшүсмерне хастаханәгә салганнар.
Иртәнге сәгать сигезләр тирәсендә Столбище авылында 38 яшьлек ир-атның күзе һәм бите пешүе турында хәбәр килә. Ул хастаханәдә калудан баш тарткан.
«2023 елның беренче көнендә Республикада һәлакәтләр медицинасы республика үзәге мәгълүматлары буенча, пиротехника куллану нәтиҗәсендә 4 кеше имгәнгән, шул исәптә өч бала да бар», - диделәр Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.
Кызыклы яңалыкларны күзәтеп бару өчен Телеграм-каналга язылыгыз