Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда объектларны төзекләндерү өчен тавыш бирү финиш сызыгына чыга
2025 елда төзекләндереләчәк иҗтимагый киңлекләрне сайлау өчен Татарстан халкының 10 көннән бераз артык вакыты калды. Онлайн-тавыш бирү 30 апрельдә тәмамлана.
Быел татарстанлыларга 45 муниципаль берәмлектә урнашкан 273 парк һәм сквер, шулай ук 1,5 меңнән артык ишегалды тәкъдим ителде.
Ошаган «кандидат» файдасына тавышны gorodsreda.tatar.ru сайтында яки порталда һәм «Татарстан хезмәтләре» кушымтасында калдырырга мөмкин. Объектлар Россия Президенты Владимир Путин инициативасы белән «Торак һәм шәһәр мохите» илкүләм проектының «Уңайлы шәһәр мохите формалаштыру» федераль проекты кысаларында сайлап алынган.
«Татар-информ» белдергәнчә, 16 апрельгә тавыш бирүдә 300 меңнән артык татарстанлы катнашкан. Үз фикерләрен Әлмәт, Лениногорск, Нурлат, Питрәч районнарында һәм Чаллыда активрак белдерәләр.
Искәртик, бөтенроссия тавыш бирү 15 мартта башланды. Татарстан Рәисе Рөстәм Миңнеханов, республика халкына мөрәҗәгать итеп, аларны битараф калмаска һәм төбәккә матур парклар санын һәм ял итү урыннарын арттырырга ярдәм итәргә өндәде.
Кызыклы яңалыкларны күзәтеп бару өчен Телеграм-каналга язылыгыз