Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда ноябрьдә еллык инфляция 7,49 процентка кадәр кимеде
Татарстанда еллык инфляция сизелерлек кимеде һәм ноябрьдә 7,49 процент тәшкил итте, әмма бу күрсәткеч Россия буенча уртача күрсәткечтән (6,64 процент) һәм Идел буе федераль округындагыдан (7,42 процент) югарырак. Бу хакта Татарстан Республикасы Милли банкы хәбәр итә.
Республикада 2025 елның ноябрендә бәяләр октябрь белән чагыштырганда 0,42 процентка артты.
Бер ай эчендә иң нык азык-төлек товарлары кыйммәтләнде. Хезмәт бәяләре дә артты, әмма азрак дәрәҗәдә. Шул ук вакытта азык-төлек булмаган товарларга бәяләр кимеде. Гомумән алганда, ел дәвамында азык-төлек һәм хезмәт күрсәтү бәяләре инфляция темпларын узып китте, ә азык-төлек булмаган товарлар азрак кыйммәтләнде.
Сезонлы тирбәлешләрне исәпкә алып караганда, ноябрьдә Татарстанда бәяләр үсеше октябрьдәгегә караганда түбәнрәк булды. Бу, аерым алганда, кайбер төр ягулык җитештерү күләменең артуы белән аңлатыла.
Тулаем Россия буенча да ноябрьдә еллык инфляция кимеде — октябрьдәге 7,71 проценттан 6,64 процентка кадәр. Бер ай эчендә бәяләр үсеше, сезонлы факторларны исәпкә алмыйча, еллык исәптә 2,2 процентны тәшкил итте.
Фаразларга караганда, 2026 елда илдә инфляция 4–5 процентка кадәр төшәчәк һәм аннары якынча 4 процент дәрәҗәсендә тотрыкланачак.
Кызыклы яңалыкларны күзәтеп бару өчен Телеграм-каналга язылыгыз