Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда нанотехнологияләр өлкәсендә инновацион территориаль кластер ачыла
Бу хактагы Указны ТР Президенты имзалады
(Казан, 17 октябрь, «Татар-информ»). Татарстанда нанотехнологияләр өлкәсендә инновацион территориаль кластер булдыралар. Бу хактагы Указны ТР Президенты Рөстәм Миңнеханов имзалады.
“ТР Икътисад министрлыгы һәм “Идея” инновацион-җитештерү технопаркы” ЯАҖнең нанотехнологияләр өлкәсендә инновацион территориаль кластер булдыру тәкъдимен кабул итәргә”, - диелгән Указ текстында. Шунда ук, кластер “Татарстан Республикасы икътисадының инновацион үсеше, икътисад секторына алдынгы технологияләрне кертү, югары технологияле эш урыннары булдыру һәм хезмәт җитештерүчәнлеген күтәрү” максатыннан ачыла дип белдерелгән.
Документта белдерелгәнчә, 1 декабрьгә кадәр ТР Министрлар Кабинетына кластер булдыру буенча чаралар планын төзергә һәм расларга кирәк.
“Татнефть” ААҖ, “КАМАЗ” ААҖ, “Татнефтехиминвест-холдинг” ААҖ, “ТАИФ” ААҖ, “Түбән Кама Нефтехим” ААҖ һәм Татарстанның нанотехнологияләр кулланып продукцияләр җитештерүче башка сәнәгать предприятиеләренә, шул исәптән оборона-сәнәгать комплексы предприятиеләренә кластер булдыруда катнашырга тәкъдим итү зарур, диелгән.
Указ имзаланган көннән үз көченә керә.
Кызыклы яңалыкларны күзәтеп бару өчен Телеграм-каналга язылыгыз