Татарстанда «Мобиль сайлаучы» сервисы аша тавыш бирү участогын сайларга мөмкин
3 августтан Татарстан халкы «Мобиль сайлаучы» сервисыннан файдалана һәм агымдагы елның 18, 19 һәм 20 сентябрендәге сайлауларда тавыш бирү өчен уңайлы сайлау участогын алдан сайлый ала. Бу хакта ТР Үзәк сайлау комиссиясе матбугат хезмәте хәбәр итә.
Сервис даими теркәлү урыны буенча түгел, ә Россия территориясендәге теләсә кайсы уңайлы сайлау участогында тавыш бирергә мөмкинлек бирә. Бу тавыш бирү көннәрендә башка шәһәрдә яки районда булучылар өчен бигрәк тә актуаль – мәсәлән, студентлар, командировкага җибәрелгәннәр, сәяхәт итүчеләр һәм вакытлыча теркәлү урынында яшәмәүчеләр өчен.
«Мобиль сайлаучы» – сайлау системасының иң кирәкле сервисларының берсе. Ул кешегә үз планнарын үзгәртмәскә һәм аңа тавыш бирү уңайлырак булган участокны билгеләргә мөмкинлек бирә», - дип ассызыклады Татарстан Үзәк сайлау комиссиясе рәисе Андрей Кондратьев.
«Мобиль сайлаучы» аша тавыш бирү өчен гаризаны 3 августтан 14 сентябрьгә кадәр бирергә мөмкин:
- Бердәм дәүләт хезмәтләре порталы аша;
- МФЦның теләсә кайсы офисында;
- территория сайлау комиссиясендә.
Моннан тыш, 9-14 сентябрьдә участок сайлау комиссиясенә гариза бирергә мөмкин.
Үз сайлау участогының адресын белергә, сайлаулар турында мәгълүмат алырга һәм кандидатлар һәм сайлау берләшмәләре исемлеге белән РФ Дәүләт хезмәтләре порталында, Россия Үзәк сайлау комиссиясе һәм Татарстан Үзәк сайлау комиссиясенең рәсми сайтларында танышырга мөмкин.