Җәмгыять 10 март 2018 10:44

Татарстанда "Мишә елгасы тамагы" табигый заказнигын оештыру турындагы карар үз көченә керә

Хәзер Мишә елгасында балык уылдык чәчкәндә - 1 февральдән 15 апрельгә кадәр балыкчылык белән шөгыльләнергә ярамый.

Скопировать ссылку

(Казан, 10 март, “Татар-информ”). Татарстанның Биологик ресурслар буенча дәүләт комитеты быел 1 февральдән 15 апрельгә кадәр Лаеш районындагы Мишә елгасында балык тоту тыелганын искәртә. Сәбәбе - 12 мартта ТР Министрлар Кабинетының “Мишә елгасы тамагы” исемле дәүләт табигый зоологик заказнигы оештыру турында"гы 2018 елның 26 февралендә кабул ителгән 115нче карары үз көченә керүе белән бәйле. Хәзер әлеге территориядә балыклар уылдык чәчкәндә сәнәгый максатларда да, шулай ук һәвәскәр балыкчыларга да кармак салырга ярамый. Бу, нигездә, багор белән балык тотып, күп кенә балыкларны имгәтүче браконьерлыкка каршы көрәшү өчен дә эшләнә.

#Мишә елгасы #балык #балыкчылык

Сәхифәләр

Татарстанда "Мишә елгасы тамагы" табигый заказнигын оештыру турындагы карар үз көченә керә