news_header_top_970_100
news_header_bot_970_100

Татарстанда миллион тоннага якын ашлык җыеп алынган

Татарстанда миллион тоннага якын ашлык җыеп алынган
"Татар-информ" архивы

Татарстанда миллион тоннага якын ашлык җыеп алынган, барлык мәйданның 16 проценты суктырылган. Бу хакта Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

«Бүген Татарстанның барлык 43 районы урып-җыюга кереште. 960 мең тоннадан артык ашлык суктырылган», - диде Татарстан авыл хуҗалыгы һәм азык-төлек министры Марат Җәббаров Әлки районы авыл җирлекләре башлыклары һәм авыл хуҗалыгы предприятиеләре җитәкчеләре белән очрашуда.

Җәббаров Әлки районы хуҗалыкларында урып-җыю эшләренең барышы белән танышты. Муниципалитетта барысы 114,7 мең гектардан артык авыл хуҗалыгы җирләре исәпләнә, шул исәптән 97 мең гектардан артыгы кыр. Район авыл хуҗалыгының нәтиҗәлелеге рейтингында 16нчы урында тора.

news_right_column_1_240_400
news_right_column_2_240_400
news_bot_970_100