Хәвеф-хәтәр 21 февраль 2019 09:40

Татарстанда М7 юлындагы авариядә өч кеше һәлак булган

"Рено Дастер" йөртүчесе, аның ике пассажиры урында ук һәлак булган.

Скопировать ссылку

(Казан, 21 февраль, "Татар-информ"). Татарстанда М7 трассасында Мәскәү-Уфа юлының 762нче километрында авариядә берьюлы өч кеше һәлак булган. Бу турыда "Татар-информ"га Татарстан Эчке эшләр министрлыгы матбугат хезмәтендә хәбәр иттеләр.

"Бүген Мәскәү-Уфа юлының 762нче километрында "Рено Дастер" машинасы "Мерседес" йөк машинасы белән бәрелешкән. Башлангыч мәгълүматлар буенча, җиңел машина йөртүче юл торышын исәпкә алмаган, тизлеген арттырган һәм каршы як полосага чыккан", - диделәр ведомствода.

Авариядән соң, "Рено Дастер" йөртүчесе, аның ике пассажиры урында ук һәлак булган. "Рено"да булган тагын бер пассажирны хастаханәгә озатканнар.

Урында ЮХИДИ хезмәткәрләре эшли.

#юл һәлакәте

Сәхифәләр

Татарстанда М7 юлындагы авариядә өч кеше һәлак булган