Татарстанда М7 юлында фура һәм җиңел машина катнашындагы авариядә 4 кеше зыян күргән
Юл һәлакәте кичә кич республиканың Яшел Үзән районында булган.
(Казан, 8 февраль, «Татар-информ», Полина Шевчук). Татарстанда М7 трассасында фура һәм җиңел машина катнашындагы авариядә дүрт кеше төрле тән җәрәхәтләре алган. Бу хакта «Татар-информ» агентлыгына юл һәлакәтен күргән кешеләр хәбәр итте.
Алар әйтүенчә, авария кичә кич республиканың Яшел Үзән районында булган. Биредә ике «Рено» (берсе – йөк автомобиле, икенчесе – җиңел машина) юлны бүлешә алмаган. Фура җиңел автомобильне юлдан этеп диярлек чыгарган, үзе исә юлга аркылы баскан.
«Җиңел автомобильнең йөртүчесе һәм өч пассажиры төрле тән җәрәхәтләре алган. Аларны ашыгыч ярдәм машинасында хастаханәгә озаттылар», - дип сөйләде аварияне күргән кешеләр.
