Татарстанда М7 трассасында ике җиңел машина һәм фура бәрелешкән, бер кеше үлгән
Hyundai автомобиленең тагын бер пассажирын һәм йөртүчесен хастаханәгә озатканнар.
Скопировать ссылку
(Казан, 20 февраль, «Татар-информ», Павел Климчак). Авария кичә кич республиканың Минзәлә районында, М7 федераль трассасының 1085нче чакрымында булган. Биредә ике җиңел автомобиль - Lifan һәм Hyundai, шулай ук шин төягән фура бәрелешкән.
Нәтиҗәдә, Hyundai автомобиленең пассажиры һәлак булган, әлеге машинаның тагын бер пассажирын һәм йөртүчесен хастаханәгә озатканнар. Бу хакта «Татар-информ» агентлыгына әлеге аварияне күргән кешеләр хәбәр итте.
