Татарстанда М7 трассасында барлык төр транспорт өчен дә хәрәкәт чикләнде
Скопировать ссылку
Татарстанда көчле буран сәбәпле М7 «Волга» трассасында барлык төр транспорт өчен дә хәрәкәт чикләнде.
Чикләү 10.20 сәгатьтән һава шартлары яхшырганчыга кадәр гамәлдә.
«М7 «Волга» трассасының Мәскәү – Владимир – Түбән Новгород – Казан – Уфа участогында (735+683 км - 1169+336 км) хәрәкәт чикләнде», - дип искәрттеләр компаниядә.
Элегрәк «Татар-информ» агентлыгы иртәнге 5тән Татарстандагы федераль автомобиль юлларында шәһәрара автобуслар, маршрут таксилары һәм йөк машиналары өчен хәрәкәтнең чикләнүе турында хәбәр иткән иде. Чикләү һава шартлары яхшырганчыга кадәр гамәлдә.