Фән һәм мәгариф 4 август 2017 16:18

Татарстанда "Мәктәпкә җыенырга ярдәм ит!" акциясе уза

Акцияне ун ел үткәрү дәвамында 165 мең бала 211 миллион сумлык иганәчелек ярдәме алган.

Скопировать ссылку

(Казан, 4 август, "Татар-информ", Наталья Рыбакова). Татарстандагы 20 меңләп мәктәп укучысы яңа уку елында, "Мәктәпкә җыенырга ярдәм ит!" акциясе кысаларында, иганәчелек ярдәме алачак. Бу турыда бүген "Татар-информ"да узган матбугат конференциясендә Татарстанның мәгариф һәм фән министры урынбасары Лариса Сулима белдерде.

"Мәктәпкә җыенырга ярдәм ит!" республика хәйрия акциясе 2007 елдан бирле үткәрелә. Яңа уку елында Татарстанда I сыйныфка якынча 44 мең бала барачак, шуларның 9,2 меңе ярдәмгә мохтаҗ. Шулай ук 2-11 сыйныфларда белем алучы 10 мең укучыга да ярдәм итү дә күздә тотыла”, – дип сөйләде ул.

Хәйрия ярдәме аз керемле һәм күпбалалы гаиләләрдән булган, шулай ук инвалид әти-әниләре белән яшәүче яки үзләре инвалид булган укучыларга күрсәтелә. Соңгы ун елда, ягъни акцияне үткәрү дәвамында, 165 мең бала 211 миллион сумлык иганәчелек ярдәме алган. Гадәткә кергәнчә, портфельләр белән язу кирәк-яраклары, мәктәп һәм спорт формасы балаларга тантаналы рәвештә бүләк ителә.

#Мәктәпкә җыенырга ярдәм ит #Лариса Сулима

Сәхифәләр

Татарстанда "Мәктәпкә җыенырга ярдәм ит!" акциясе уза