Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда лицензиясез хәмер һәм тәмәке сатучыларны тоткарлаганнар
Татарстанның Бөгелмә районында полиция хезмәткәрләре озак вакыт дәвамында лицензиясез алкоголь һәм тәмәке саткан 62 яшьлек хатын-кызны һәм 47 яшьлек ир-атны тоткарлаган. Татарстан Республикасы буенча Эчке эшләр министрлыгының матбугат хезмәте шул турыда хәбәр итә.
Аларның продукцияне күрше төбәктә сатып алуы һәм аны Татарстанга ташуы ачыкланган. Тоткарлаган вакытта хатын-кыздан 4 миллионнан артык сумлык 6 650 литрга якын спиртлы эчемлек тартып алынган.
Ир-атны тәмәке продукциясенең чираттагы партиясен бушаткан вакытта тотканнар. Тоткарланган вакытта ул полиция хезмәткәрләренә 200 мең сум күләмендә ришвәт тәкъдим иткән һәм ай саен 50 мең сум акча түләп торырга вәгъдә биргән.
Полиция хезмәткәрләре складта төрле маркалы тәмәке каплары булган 56 тартма һәм 2 мең литрдан артык алкоголь табып алган.
Алынган алкогольнең һәм тәмәке продукциясенең үрнәкләре экспертизага җибәрелгән.
Тикшерү вакытында лицензиясез товар сатып ятучылар читкә китмәү турында подписка астында булачак.
Кызыклы яңалыкларны күзәтеп бару өчен Телеграм-каналга язылыгыз