Хәвеф-хәтәр 11 июнь 2021 14:03

Татарстанда кыз баланы көчләүдә гаепләнүче элеккеге полицейскийны кабат кулга алдылар

Ир-ат «Көчләү» һәм «Сексуаль характердагы көчләү гамәлләре» маддәләре буенча гаепләнү сәбәпле, аны органнардан эштән азат иткәннәр.

Скопировать ссылку

(Казан, 11 июнь, «Татар-информ», Алинә Фәйзрахманова). Бүген Татарстан Югары суды элеккеге ЮХИДИ инспекторы Радик Бәдретдиновка карата Лениногорск судының карарын гамәлдән чыгарды. Моңа кадәр район суды бу кешегә карата беркая да китмәү турында имза кую турында карар чыгарган иде. Хәзер аны кабат кулга алдылар.

«Бәдретдиновны 11 июльгә кадәр сак астына алдылар», — диделәр суд матбугат хезмәтендә.

Тикшерү ачыклаганча, узган елның февралендә республика Эчке эшләр министрлыгының Лениногорск районы буенча бүлеге хезмәткәре Радик Бәдретдинов интернетта 16 яшьлек студент кыз белән танышкан. Берникадәр вакыттан соң ул кызга очрашырга тәкъдим иткән һәм аны шәһәр читенә алып киткән. Тикшерү версиясе буенча, Бәдретдинов кызны үз машинасында көчләгән.

Ир-ат «Көчләү» һәм «Сексуаль характердагы көчләү гамәлләре» маддәләре буенча гаепләнгәч, аны органнардагы эшеннән азат иткәннәр.

Авыр җинаять кылуга карамастан, майда Лениногорск шәһәр суды Бәдретдиновка билгеләнгән җәзаны — кулга алуны беркая да китмәүгә турында имза кую белән алмаштырды. Прокуратура суд карары белән килешмәде һәм апелляциягә бирде.

Бүген Татарстан Югары суды прокуратураның һәм зыян күрргән кызның әнисенең җәзаны катгыйлату турындагы шикаятен канәгатьләндерде.

Сәхифәләр

Татарстанда кыз баланы көчләүдә гаепләнүче элеккеге полицейскийны кабат кулга алдылар