Татарстанда Кыргызстан парламентына вакытыннан алда сайлаулар өчен ике участок әзерләнде
Якшәмбе көнне Кыргызстанда җирле парламент депутатларын вакытыннан алда сайлаулар узачак, һәм бу республика гражданнары чит илдә булып та тавыш бирә алачак. Бу хакта ТР Үзәк сайлау комиссиясе матбугат хезмәте хәбәр итә.
Жогорку Кеңешкә сайлауларда катнашу өчен Россиянең 27 төбәгендә беренче тапкыр 40 сайлау участогы ачылачак. Алар Мәскәү, Санкт-Петербург, Екатеринбург, Красноярск, Новосибирск һәм башка шәһәрләрдә урнашачак, бу исә әлеге кампанияне РФ территориясендә тормышка ашырыла торган чит илләрдәге иң зур сайлау башлангычы итә.
Мондый ярдәм ике илнең сайлау процесслары өлкәсендәге халыкара хезмәттәшлегенең мөһим өлеше дип санала.
Татарстанда 30 ноябрьдә ике участок эшләячәк: Казанда – Спартак урамы, 6нчы йорттагы «Сувар Плаза» сәүдә-офис үзәгендә, һәм Яр Чаллыда – Шамил Усманов урамы, 5нче йорттагы «Чишмә» Халыклар Дуслыгы йортында.
Татарстан Үзәк сайлау комиссиясе рәисе Андрей Кондратьев Россия сайлау системасының тавыш бирүне оештырганда чит ил дәүләтләрендәге партнерларга даими рәвештә ярдәм күрсәтүен искәртте. Ул республиканың Казахстан, Төрекмәнстан, Үзбәкстан һәм Абхазия белән уңышлы хезмәттәшлек тәҗрибәсе булуын билгеләп үтте һәм мондый эшнең җаваплы һәм мөһим булуын ассызыклады.
Жогорку Кеңеш депутатларын вакытыннан алда сайлаулар 30 ноябрьгә билгеләнгән. Россия территориясендә тавыш бирү 8:00 сәгатьтән 20:00 сәгатькә кадәр узачак.