Татарстанда кырау төшәргә мөмкин
Скопировать ссылку
Татарстан Республикасы Гидрометеорология һәм әйләнә-тирә мохитне мониторинглау идарәсе Татарстанда шторм турында кисәтү игълан итте. 31 августка каршы төндә республикада урыны белән -1 градуска кадәр булачак.
Һава торышы начар булу сәбәпле, Россия Гадәттән тыш хәлләр министрлыгының ТР буенча Баш идарәсендә сак булырга, балаларны, өлкәннәрне һәм авырулы кешеләрне күзәтергә киңәш итәләр. Фермерларга һәм бакчачыларга бакча һәм авыл хуҗалыгы культураларын яклау чараларын күрергә киңәш итәләр.
Ашыгыч хәлләрдә 112гә шалтыратырга кирәк.