Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Спас районында юл инспекторлар квадроцикл белән идарә иткән 4 яшьлек баланы туктаткан
Татарстанның Спас районында квадроцикл белән идарә иткән 4 яшьлек баланы инспекторлар туктаткан. Бу хакта Татарстан Дәүләт автоинспекциясеннән хәбәр иттеләр.
Әлеге хәл Спас районының Чәчәкле авылында булган. Квадроциклга утырган 4 яшьлек бала олылар күзәтүеннән башка гына урам буйлап җилдергән. Нәтиҗәдә, ул аздан гына йөк машинасы астына кермәгән.
Дәүләт автоинспекциясе хезмәткәрләре баланы әти-әнисенә тапшырган. Аның әбисе янына кунакка кайтуы ачыкланган.
Хәзерге вакытта тикшерү материаллары балигъ булмаганнар белән эшләү бүлекчәсенә тапшырылган.
«Татар-информ» агентлыгы Лениногорскида 12 яшьлек мәктәп укучысының Toyota автомобилен куып алып китүе һәм юл-транспорт һәлакәте китереп чыгаруы турында элегрәк хәбәр иткән иде.
Дәүләт автоинспекциясе әти-әниләргә мототранспорт белән идарә итү күңелсез хәлләргә китерү ихтималы һәм балага шундый транспорт сатып алганда, аның тормышын куркыныч астына куюлары турында искәртә.
Кызыклы яңалыкларны күзәтеп бару өчен Телеграм-каналга язылыгыз