Татарстанда кунакханәдә Төркия кешеләре агуланган

19 чит ил кешесе эч авыртып, күңел болганып табибларга мөрәҗәгать иткән.

Скопировать ссылку

(Казан, 7 март, “Татар-информ”). Төркия гражданнары Алабуга кунакханәсендә агуланган. Бу хакта “Татар-информ”га шәхси чыганаклардан билгеле булды.

Әлеге хәл бүген Алабугада “Хәят Отель” кунакханәсендә булган. 19 чит ил кешесе эч авыртып һәм күңел болганып, табибларга мөрәҗәгать иткән.

Тикшерү вакытында бер зыян күрүчене район хастаханәсенә салганнар.

Гадәттән тыш хәл булган урында ашыгыч хезмәтләр экипажлары эшли. Өстәмә мәгълүматлар ачыклана.

#агулану #табиб