Татарстанда ковид йоктыруның 245 яңа очрагы ачыкланган

Скопировать ссылку

Узган тәүлектә Татарстанда коронавирус инфекциясен йоктыруның тагын 245 очрагы ачыкланган. 32 кеше хастаханәдә дәвалана.

«Авыручылар арасында 16 бала да бар», - дип хәбәр итә Татарстан Сәламәтлек саклау министрлыгының матбугат хезмәте.

Яңа очраклар Татарстанның 26 районында теркәлгән. Казан (86 яңа пациент), Яшел Үзән (23) һәм Чаллы (22) антирейтинг лидерлары булып тора.

Гомумән алганда, пандемия вакытында Татарстанда 142 352 кеше коронавирус йоктырган, 136 225 кеше бу чирдә терелгән.

#коронавирус