Җәмгыять 13 сентябрь 2024 10:51

Татарстанда котельняларның 98 проценты җылыту сезонына әзер

Скопировать ссылку

Татарстанда якынлашып килүче җылыту сезонына котельняларның 98 проценты әзер. Дүрт муниципалитеттагы 51 объектта эшләр дәвам итә. Бу хакта 2024-2025 елгы җылыту чорына әзерлек буенча республика штабы утырышында ТР Төзелеш, архитектура һәм торак-коммуналь хуҗалык министры урынбасары Мәҗит Салихов сөйләде.

Утырышны республиканың барлык муниципалитетлары белән видеоконференция режимында Татарстан Республикасы Премьер-министрының беренче урынбасары Рөстәм Нигъмәтуллин үткәрде, дип хәбәр итә төбәкнең Төзелеш министрлыгы матбугат хезмәте.

Республикада объектларның җылыту сезонына гомуми әзерлеге дәрәҗәсе шулай ук 98 процентны тәшкил итә, дип билгеләп үтте докладчы «Торак фонды мониторингы» системасы мәгълүматларына сылтама белән.

Социаль яклау учреждениеләре һәм балалар бакчалары кышка тулысынча әзер. Күп фатирлы торак йортларның 97 процентына әзерлек паспортлары рәсмиләштерелгән. Шул ук вакытта 24 муниципаль берәмлектәге тагын 555 йортны ягу сезонына әзерләүне дәвам итәләр.

Сәхифәләр

Татарстанда котельняларның 98 проценты җылыту сезонына әзер