Татарстанда коронавирустан тагын дүрт кеше үлде
Республикада Covid-19 инфекциясеннән вафат булучыларның гомуми саны 205кә җитте.
Скопировать ссылку
(Казан, 7 гыйнвар, «Татар-информ»). Татарстанда тагын дүрт кеше Covid-19 коронавирусы корбаны булды. Бу хакта ТР Сәламәтлек саклау министрлыгының матбугат хезмәте хәбәр итә.
«Татарстанда коронавирус инфекциясеннән дүрт үлем очрагы теркәлде», – диделәр министрлыкта.
Covid-19 йоктырып 1946, 1951 һәм 1954 елгы өч ир-ат, шулай ук 1959 елгы хатын-кыз вафат булган.
Ведомствода пациентларны үлемгә китергән сәбәпләрне атамасалар да, экспертиза аларның вирус йоктыруын ачыклаган.
Шулай итеп, 7 гыйнварга Татарстанда Covid-19 коронавирусыннан үлем очраклары күрсәткече 205кә җитте.