Татарстанда коронавирустан тагын өч кеше вафат булды
Бер ир-ат, ике хатын-кызның үлеме сәбәбе паталогоанатомик экспертиза ярдәмендә расланган.
Скопировать ссылку
(Казан, 27 декабрь, «Татар-информ»). Татарстанда яшәүче тагын өч кеше коронавирустан вафат булды. Бу хакта Татарстанның Сәламәтлек саклау министрлыгында хәбәр иттеләр.
«Үлем сәбәпләре патологоанатомия экспертизасы нәтиҗәсендә расланды», — диелә министрлык хәбәрендә.
1935 елгы ир-ат һәм 1941, 1958 елгы хатын-кызлар ковидтан вафат булган. Коронавирус инфекциясе тарала башлаганнан бирле республикада вирустан барлыгы 185 кеше үлде.
Алдарак хәбәр ителгәнчә, Татарстанда пандемия башланганнан бирле авыру очракларының рекордлы саны теркәлде — республикада яшәүче 106 кеше коронавирус йоктырды.