Татарстанда коронавирустан 39нчы үлем очрагы расланган
Үлем сәбәбе патолого-анатомик экспертиза нәтиҗәсендә билгеләнгән.
Скопировать ссылку
(Казан, 27 июль, «Татар-информ»). Татарстанда коронавирустан 39нчы үлем очрагы теркәлгән. Бу хакта ТР Президенты матбугат хезмәте җитәкчесе Лилия Галимова хәбәр итте.
1951 елгы Казанда яшәүче хатын-кыз вирус корбаны булган. 19 июльдә пациентны хастаханәдән тыш катлауланган пневмония, Covid-19 инфекциясенең авыр формасы диагнозы белән Казанның 7нче шәһәр хастаханәсенә күчергәннәр. Хәле авыр булу сәбәпле, хатын-кызны ИВЛ аппаратына тоташтыралар. Пациентның сулыш юлларында хроник авырулары булган. Ул 24 июль көнне үлгән.
«Үлем сәбәбе патолого-анатомик экспертиза нәтиҗәсендә билгеләнгән. Вирус идентификацияләнгән», - диде Галимова.