Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда коронавируска каршы «Спутник V» вакцинасын беренче булып табиблар алачак
Вакцинация алдыннан табиблардан ПЦР-мазок алачаклар һәм алар коронавирусны ачыклау өчен антитәнчекләргә тест тапшырачак.
(Казан, 4 декабрь, «Татар-информ», Арсений Кәримов). Татарстанда коронавирус инфекциясенә каршы «Спутник V» вакцинасын беренче булып медицина хезмәткәрләре алачак. ТР сәламәтлек саклау министры урынбасары Владимир Жаворонков «Татар-информ» агентлыгында узган матбугат конференциясендә шулай дип белдерде.
«Киләсе атнада республикага “Спутник V“ вакцинасының беренче мең дозасы килеп җитүен көтәбез. Беренче чиратта, медицина хезмәткәрләренә, коронавирус йоктырган пациентларны дәвалаучы табибларга вакцинация ясалачак», - дип искәртте спикер.
Министр урынбасары вакцинациянең эш урыны буенча оештырылачагын әйтте. Аны поликлиникаларның мобиль бригадалары үткәрәчәк.
Вакцинация алдыннан табиблардан ПЦР-мазок алачаклар һәм алар коронавирусны ачыклау өчен антитәнчекләргә тест тапшырачак. Алар өчен бу процедура бушлай булачак.
Барлык әзерлек чаралары да инде башланган, препаратны саклау өчен урыннар әзерләнгән, дип сүзен төгәлләде Жаворонков.
Кызыклы яңалыкларны күзәтеп бару өчен Телеграм-каналга язылыгыз