Татарстанда коронавирус инфекциясеннән тагын тугыз кеше үлгән

14 ноябрьгә булган мәгълүматларга караганда, коронавирус республиканың 1122 кешесе гомерен өзгән.

Скопировать ссылку

(Казан, 15 ноябрь, «Татар-информ»). Татарстанда коронавирус инфекциясеннән тагын тугыз кеше үлгән.

Covid-19 корбаннары арасында дүрт ир-ат (1937, 1951, 1955 һәм 1971 елгы) һәм биш хатын-кыз (1941, 1942, 1951, 1955, 1958 елда туган).

Республика Сәламәтлек саклау министрлыгының матбугат хезмәте хәбәр итүенчә, үлем сәбәпләре экспертиза барышында билгеләнгән.

14 ноябрьгә булган мәгълүматларга караганда, коронавирус республиканың 1122 кешесе гомерен өзгән.