Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда коронавирус белән авыручылар саны инде бишенче көн рәттән арта бара
Татарстанда коронавирус белән авыручылар саны артуын дәвам итә (үсеш 14 февральдән бирле теркәлә). Бүген Covid-19 инфекциясе белән зарарлануның 137 очрагы расланган (алдагы тәүлектә 128 очрак). Стопкоронавирус.рф порталы мәгълүматлары шуны күрсәтә.
38 авыручыны хастаханә шартларында дәваларга кирәк булган, бер көн алдан 49 кешене хастаханәгә салганнар. Пандемия башланганнан бирле коронавирус белән Татарстанда 197 019 кеше зарарланган.
Тулаем алганда, республиканың 193 110 кешесе сәламәтләнгән, шул исәптән соңгы тәүлектә 84 авыручы савыккан. Кичә 167 авыруның чирне җиңүе турында билгеле булды.
Республикада рәсми рәвештә Covid-19 үлеменең гомуми саны элеккечә – 2010. Соңгы тапкыр үлем турында мәгълүмат 20 гыйнварда чыкты.
Россия буенча коронавирус белән зарарланучылар саны бер көндә 14 233 кешегә арткан. 9316 пациент сәламәтләнгән. 799 авыручыны Covid-19 белән хастаханәгә салганнар. 36 кеше бу авырудан үлгән.
Кызыклы яңалыкларны күзәтеп бару өчен Телеграм-каналга язылыгыз