Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда Корбан бәйрәмендә 14 меңгә якын мал чалынды
Татарстан Республикасында махсус оештырылган 58 урында, Казанны да кертеп, барлыгы 13 806 баш мал чалынды. Казанның үзендә 18 корбан чалу урынында 5812 баш хайван корбанга чалынды. Татарстан Республикасы мөселманнары Диния нәзарәте узып киткән Корбан бәйрәменә нәтиҗәләр чыгарды.
Диния нәзарәтенең «Зәкят» хәйрия фонды социаль акция кысаларында халыкның мохтаҗ катламнарына тарату өчен 255 сарык һәм 3 сыер чалды. Быел нәзарәтнең «Зәкят» хәйрия фонды мохтаҗларга һәм социаль проектларга 4 тоннадан артык корбан ите таратты. Корбан бәйрәме көннәрендә 500 мохтаҗ – аз керемле һәм күп балалы гаиләләргә, инвалидларга, ятимнәргә, ялгыз өлкәннәргә 1,5 тонна корбан ите өләшенде; 300 кг ит Татарстанның 4 социаль учреждениесенә тапшырылды.
Итнең калган өлешен «Зәкят» фонды суыткычларга саклауга куйды һәм ел дәвамында йорт-җирсез, аз керемле, ялгыз өлкән яшьтәге кешеләргә, Бөек Ватан сугышы ветераннары һәм башка мохтаҗлар өчен хәйрия ашлары әзерләүдә кулланырга ниятли.
Кызыклы яңалыкларны күзәтеп бару өчен Телеграм-каналга язылыгыз