Хәвеф-хәтәр 10 июнь 2018 12:36

Татарстанда кондыз аулаучыга штраф салганнар

Чуваш Елтаны авылы янында урнашкан Кече Чирмешән елгасы төбәк әһәмиятендәге махсус саклана торган табигый территориягә керә.

Скопировать ссылку

(Казан, 10 июнь, "Татар-информ"). Татарстанда өч кондыз аулаган кешегә ун мең штраф салганнар. Бу турыда Татарстанның Биология ресурслары буенча дәүләт комитеты матбугат хезмәте хәбәр итте.

Гражданин К., Чистай районының Чуваш Елтаны авылы янында урнашкан Кече Чирмешән елгасыннан өч кондызны тоткан. Бу мәйдан төбәк әһәмиятендәге махсус саклана торган табигый территориягә керә. Биредә аулау нәтиҗәсендә 66000 сум матди зыян килгән.

5 июньдә Татарстан Республикасының Чистай районы суды гражданин К.-га 10000 сум штраф рәвешендә җаза бирде, диелә әлеге хәбәрдә.

#кондыз #аучылык

Сәхифәләр

Татарстанда кондыз аулаучыга штраф салганнар