Татарстанда көндез -9 градуска кадәр салкын булачак
Скопировать ссылку
Шимбә, 7 декабрьдә, Татарстанда алмашынучан болытлы һава торышы фаразлана, явым-төшем ихтималы аз. Бу хакта ТР Гидрометеорология һәм әйләнә-тирә мохитне күзәтү идарәсендә хәбәр иттеләр.
Республикада төнлә һәм иртән урыны белән томан төшә. Көньяктан һәм көньяк-көнчыгыштан искән җилнең тизлеге секундына 3-8 метр тәшкил итәчәк.
Төнлә һава температурасы -11..-6 градус булды, урыны белән -16 градуска кадәр төште. Синоптикларның мәгълүматлары буенча, көндезге сәгатьләрдә -9..-4 градус салкын булуы көтелә. Юлларда урыны белән бозлавык барлыкка киләчәк.