Татарстанда көндез 12 градуска кадәр салкын булачак
Скопировать ссылку
Бүген, 21 февральдә, Татарстанда антициклон тәэсире нәтиҗәсендә салкын һәм коры һава торышы урнашачак. Бу хакта ТР Гидрометеорология үзәге хәбәр итә.
Республикада аязучан болытлы һава булачак. Явым-төшем ихтималы аз. Иртән, Казанны да кертеп, кайбер урыннарда төнлә төшкән томан сакланачак.
Көньяк һәм көньяк-көнчыгыштан көчле җил фаразлана. Юлларда бозлавык саклана.
Төнге салкыннардан соң (аязганда -26 градуска кадәр) тәүлекнең якты вакытында һава -7, -12 градуска кадәр җылыначак (Казанда -7, -9 градуска кадәр).