Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда коммуналь хезмәтләр өчен түләүләрнең 81,7 проценты электрон формада башкарыла
Татарстан Республикасында торак-коммуналь хезмәтләр өчен электрон сервислар аша түләү дәрәҗәсе 81,7 процентка җитте. Бу хакта ТР төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин Хөкүмәт йортында узган киңәшмәдә сөйләде, дип хәбәр итә ТР Рәисе матбугат хезмәте.
Утырышны Татарстан Премьер-министры Алексей Песошин уздырды, анда шулай ук ТР Дәүләт Советы Рәисе вазфиларын башкаручы Марат Әхмәтов катнашты. Киңәшмә гадәттәгечә муниципалитетлар белән видеоконференция режимында узды.
Ул билгеләп үткәнчә, ел башында ТКХ өчен түләү дисциплинасы икенче яртыеллык белән чагыштырганда түбәнрәк. Әйтик, 2026 елның февраленә түләүләр җыю 95,1 процент тәшкил иткән, бу алдагы ел күрсәткеченнән 0,9 процентка түбәнрәк. Гыйнвар-февраль айларында республика буенча уртача дәрәҗә 95 процент тәшкил итте, шул ук вакытта уртача еллык күрсәткеч 99,1 процентка җитә.
2026 елның 1 мартына газ өчен бурыч суммасы 244 млн сумнан артык тәшкил иткән, бу 2025 елның шул ук чоры белән чагыштырганда 6 млн сумга кимрәк. Электр энергиясе буенча бурыч 1,5 млн сумнан артыкка кимегән һәм 28 млн сум тирәсе тәшкил иткән.
Шул ук вакытта идарәче компанияләрнең җылылык энергиясе өчен «Татэнерго» АҖ алдындагы бурычы 61,3 млн сумга арткан һәм 282,7 млн сумга җиткән.
Кызыклы яңалыкларны күзәтеп бару өчен Телеграм-каналга язылыгыз