Хәвеф-хәтәр 12 сентябрь 2018 17:12

Татарстанда коммуналь түләүләр буенча бурычы булганга, 10 мең кеше илдән чыга алмый

Ел башыннан алып, приставлар торак-коммуналь хезмәтләр буенча 350 меңнән артык бурыч җыеп алган.

Скопировать ссылку

(Казан, 12 сентябрь, «Татар-информ»). Татарстанда 10 мең кеше коммуналь түләүләр буенча бурычлары аркасында ил чикләреннән чыга алмый. Бу хакта “Татар-информ”га Татарстан Республикасы буенча Суд приставлары федераль хезмәте идарәсенең гаммәви мәгълүмат чаралары белән элемтә буенча баш белгеч-эксперты Лилия Хәлимова хәбәр итте.

Ел башыннан алып, Татарстанның суд приставлары торак-коммуналь хезмәтләр өчен 384 мең сум бурыч җыеп алган. “Коммуналка” өчен бурычлары булу аркасында, 10 меңгә якын татарстанлы Россия чикләрен чыга алмый.

ТР буенча Суд приставлары федераль хезмәте идарәсе матбугат-хезмәте белдерүенчә, бурычлар булу-булмавын Суд приставлары федераль хезмәте сайтының “Башкарма җитештерү мәгълүматлары банкы” бүлегендә яки суд приставлары федераль хезмәтенең мобиль кушымтасында белергә мөмкин. Шулай ук, сервис аркылы бурычларны онлайн режимда да түләргә була.

#суд приставлары #бурыч

Сәхифәләр

Татарстанда коммуналь түләүләр буенча бурычы булганга, 10 мең кеше илдән чыга алмый