Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда коммуналь инфраструктураны яңарту планы 95 процентка үтәлгән
Агымдагы елда инфраструктураны модернизацияләү буенча планлаштырылган эшләрнең 95 проценты башкарылган. Бу хакта ТР Хөкүмәте йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте.
Башта 2025 елда 12,6 миллиард сумнан артык суммага 144 объектны модернизацияләү, шул исәптән 269 километр инженерлык челтәрен реконструкцияләү планлаштырылган булган. Сентябрьдә сигез яңа проект өстәлгән, аларны гамәлгә ашыру өчен федераль бюджеттан өстәмә акчалар бүлеп бирелгән.
Марат Айзатуллин сөйләгәнчә, 106 объектта эш тәмамланган, соңгы ике атнада республиканың төрле районнарында 6 объект файдалануга тапшырылган.
Мондый эшләр «Тормыш өчен инфраструктура» илкүләм проекты кысаларында «Коммуналь инфраструктура системаларын модернизацияләү» программасы буенча башкарыла. Программа кысаларында 2023-2024 елларда Татарстанда 4,5 миллиард сумлык 67 чара уздырылган. 128 километр чамасы челтәр алыштырылган.
Кызыклы яңалыкларны күзәтеп бару өчен Телеграм-каналга язылыгыз