Хәвеф-хәтәр 8 август 2018 12:12

Татарстанда коенырга ярамаган урында су кергән ир-ат һәм хатын-кыз үлгән

Үлем очраклары Чаллыда һәм Алексеевск бистәсендә кичә булган.

Скопировать ссылку

(Казан, 8 август, “Татар-информ”). Татарстанда коенырга ярамый торган урында су кергән ир-ат һәм хатын-кыз үлгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кичә көндез Алексеевск бистәсендә 40 яшьлек Ижевск кешесе баткан. Аның мәетен Көрнәле елгасында тапканнар. 3нче коткару часте хезмәткәрләре мәетне алып, хокук саклау органнарына тапшырган.

Якынча шул ук вакытта Чаллыда 41 яшьлек хатын-кызның суда һәлак булуы ачыкланган. Водолазлар аның мәетен ГЭС бистәсе сусаклагычыннан табып алган. Батып үлүчеләрнең икесе дә коенырга ярамый торган урыннарда суга кергән булган.

#суга баткан

Сәхифәләр

Татарстанда коенырга ярамаган урында су кергән ир-ат һәм хатын-кыз үлгән