news_header_top
16+
news_header_bot
news_top

Татарстанда көчле яңгырлар һәм яшен көтелә, температура төшәчәк

Бүген, 25 августта, Татарстанда тотрыксыз һава шартлары сакланачак, аномаль җылылардан соң һава температурасы түбәнәячәк. Бу хакта ТР Гидрометеорология үзәге хәбәр итә.

Бөтен төбәктә кыска вакытлы, урыны белән көчле яңгырлар көтелә. Кайбер районнарда яшенле яңгырлар булуы ихтимал.

Җил көньяк-көнбатыштан исә, аның тизлеге секундына 6-11 метр тәшкил итәчәк, әмма урыны белән 15-20 метрга кадәр көчәячәк (ТР башкаласында – 18 метрга кадәр).

Шактый җылы төннән соң Татарстанда термометр баганалары 19-24 градуска кадәр генә күтәреләчәк (Казанда – +19.. +21 градуска кадәр).

news_right_1
news_right_2
news_bot