Татарстанда көчле җил һәм температураның +29 градуска кадәр күтәрелүе көтелә
Скопировать ссылку
Якшәмбе Татарстанда алмашынучан болытлы һәм коры һава торышы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Җилнең көчәюе ихтимал, урыны белән аның тизлеге секундына 14 метрга кадәр җитәргә мөмкин.
Төнлә һава температурасы +10..+15 градус тәшкил итте, ә көндез ул +24..+29 градуска кадәр күтәреләчәк.
Элегрәк «Татар-информ» агентлыгы июль урталарында республикада аномаль эсселек кими башлаячагы хакында хәбәр иткән иде.