Җәмгыять 2 октябрь 2009 15:57

Татарстанда кискен тын юллары вирус инфекциясе эпидемия бусагасыннан узмый

Узган атна белән чагыштырганда авыручылар саны артуы күзәтелә

Скопировать ссылку

(Казан, 2 октябрь, «Татар-информ»). 2009 елның 25 сентябреннән 1 октябре чорында Татарстанда кискен тын юллары вирус инфекциясе белән авыруның 9930 очрагы теркәлгән, 10 мең кешегә 37,8 авыру туры килә.
Узган атна белән чагыштырганда кискен тын юллары вирус инфекциясе белән авыру дәрәҗәсе 14,7 процентка арткан һәм эпидемия бусагасыннан 24,7 процентка түбән.

Узган атнада Казанда инфекция авыруларының 6087 очрагы теркәлгән, бу алдагы атна күрсәткечләреннән 3,1 процентка югары. Аларның 5439 очрагын кискен тын юллары вирус инфекциясе тәшкил итә, бу узган атна күрсәткечләреннән 4,7 процентка югары һәм эпидемия бусагасыннан 28,5 процентка түбән, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек хезмәтенең ТР буенча Идарәсе матбугат хезмәте.

Сәхифәләр

Татарстанда кискен тын юллары вирус инфекциясе эпидемия бусагасыннан узмый