Татарстанда кискен суыту алдыннан 29 градус эссе булачак
Бүген, 23 сентябрьдә, Татарстанда салкын көннәр алдыннан соңгы эссе көн көтелә. Бу хакта ТР Гидрометеорология үзәге хәбәр итә.
Республикада алмашынучан болытлы һава сакланачак. Сизелерлек явым-төшем булу ихтималы аз. Иртә белән (ләкин Казанда түгел) төнлә төшкән томан сакланачак.
Көндезге сәгатьләрдә секундына 6-11 метр тизлектә көчле көньяк-көнбатыш җиле була. Кайбер урыннарда аның тизлеге секундына15-17 метрга кадәр көчәячәк, шул исәптән ТР башкаласында да.
Шактый җылы төннән соң көньяк-көнбатыш агымнары китергән һава массалары аркасында көндез төбәк территориясендә +24тән +29 градуска кадәр (Казанда – +25тән +27 градуска кадәр) көтелә.
Иртәгә үк, 24 сентябрьдә, салкын атмосфера фронты Татарстанда температура фонын +13, +18 градуска кадәр төшерәчәк. Алдагы көннәрдә республикада тагын да салкынрак һава торышы урнашачак.