Җәмгыять 27 декабрь 2021 11:46

Татарстанда киләсе елда да газ тутыру станцияләрен ачу эше дәвам итәчәк

«Бер көндә 10 станцияне эшләтеп җибәрү — 2 млрд сум сарыф ителгән зур хезмәт», — диде Рөстәм Миңнеханов.

Скопировать ссылку

(Казан, 27 декабрь, «Татар-информ», Эльза Кузнецова). Татарстан Президенты Рөстәм Миңнеханов республикада газ тутыру станцияләрен ачу эше киләсе елда да дәвам итәчәген әйтте.

«Бүгенге көндә Татарстанда 11 меңгә якын транспорт газ ягулыгын куллана. Шушы көннәрдә генә без 10 газ тутыру станциясен ачтык. Республика буенча барлыгы 38 газ тутыру станциясе эшләп килә. Бу эш алга таба да дәвам итәчәк», — диде Рөстәм Миңнеханов федераль һәм республика массакүләм мәгълүмат чаралары вәкилләре белән очрашуда.

Татарстан Президенты 10 газ тутыру станциясенең ачылышын (аларның икесе Казанда урнашкан) видеоэлемтәдән күзәтеп торды. Аның әйтүенчә, бер көндә 10 станцияне эшләтеп җибәрү — 2 млрд сум сарыф ителгән зур хезмәт.

#еллык матбугат конференциясе #Рөстәм Миңнеханов

Сәхифәләр

Татарстанда киләсе елда да газ тутыру станцияләрен ачу эше дәвам итәчәк