Татарстанда Казаннан Нью-Дели һәм Гоага туры авиарейслар оештыру мөмкинлеге карала
Скопировать ссылку
Татарстанда Казаннан Нью-Дели һәм Гоага туры авиарейслар оештыру мөмкинлеге карала. Бу хакта «Татар-информ» хәбәрчесе Арсений Каримов Һиндстанның Казандыгы Генераль консулы Джейсундхар Д. сүзләренә сылтама белән «МАКС» мессенджерындагы каналында хәбәр итә.
«Казан Нью-Дели һәм Гоа белән туры авиарейслар аша тоташкан булса, бик шат булыр идек. Без бу мәсьәләне Татарстанның Туризм дәүләт комитеты белән карадык. Бу юнәлештә эшлибез», – дип белдерде Генераль консул.
Гоа Россия туристлары арасында бик популяр туристик юнәлеш, дип ассызыклады дипломат.