Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда «Казанда төрек базары» эстрада фестивален үткәрү планлаштырыла
Төрки эстрада фестиваленә исем эзлиләр. «Казанда төрек базары» атамасы вакытлыча гына уйланган, чөнки, Рәшит Ваһапов фонды җитәкчесе Рифат Фәттахов сүзләренчә, бу атама татарча матур яңгырамый.
(Казан, 18 февраль, «Татар-информ», Алинә Айдарова). Татарстанда «Казанда төрек базары» Халыкара төрки эстрада фестивален үткәрү нияте бар.
«Күптәннән төрки эстрада фестивален үткәрү хыялым бар иде. Бер 3-4 ел хокүмәт белән рәсми сөйләшүләр алып бардык. Быел, гыйнвар аенда, премьер-министр Алексей Песошинның махсус карары белән әлеге проект республика планына керде», — диде Рәшит Ваһапов фонды җитәкчесе Рифат Фәттахов.
Фонд җитәкчесе сүзләренчә, «Казанда төрек базары» исеме әлегә вакытлыча. «Бу исем русча матур, әмма татарча матур яңгырамый. Бу фестивальгә исем эзлибез. Хәтта бәлки безгә конкурс игълан итәргә кирәктер», — диде ул.
«Бу проектның киләчәктә өметле булуына ышанабыз. Халыкара масштабындага проект булыр дип өметләнәбез», — диде Рифат Фәттахов.
Кызыклы яңалыкларны күзәтеп бару өчен Телеграм-каналга язылыгыз