Җәмгыять 31 май 2023 16:47

Татарстанда каты коммуналь калдыклар белән эш итү буенча ведомствоара комиссия төзелде

Скопировать ссылку

Татарстан Республикасы Премьер-министры Алексей Песошин Татарстанда каты коммуналь калдыклар (ТКО) белән эш итү эшчәнлеген камилләштерү буенча ведомствоара комиссия төзү турында боерык имзалады. Аның төп бурычы бу өлкәдә эшчәнлекне камилләштерүгә кагылышлы тәкъдимнәр әзерләү булачак.

Комиссия регоператорларның каты коммуналь калдыклар белән эш итү нәтиҗәләрен караячак, бу эшчәнлекне камилләштерүгә кагылышлы тәкъдимнәрне гомумиләштереп, анализ үткәрәчәк. Комиссия утырышлары сораулар килеп чыккан вакытта узачак, ә карарлар утырышта катнашучы затларның ачык тавыш бирү юлы белән кабул ителәчәк.

Татарстанның беренче вице-премьеры Рөстәм Нигъмәтуллин ведомствоара комиссиянең җитәкчесе була, аның урынбасары итеп төзелеш, архитектура һәм торак-коммуналь хуҗалык министрының беренче урынбасары Алексей Фролов, ә секретарь итеп Татарстанның Төзелеш министрлыгының калдыклар белән эш итү бүлеге җитәкчесе Диана Краснова билгеләнде. Комиссия составына барлыгы 17 кеше кергән.

Сәхифәләр

Татарстанда каты коммуналь калдыклар белән эш итү буенча ведомствоара комиссия төзелде