Татарстанда каты көнкүреш калдыклары өчен 49 полигонның унөче тулысынча тулган
Республикада ел саен миллион тоннадан артык каты коммуналь калдыклар барлыкка килә.
Скопировать ссылку
(Казан, 17 гыйнвар, «Татар-информ»). Татарстанда каты коммуналь калдыкларны күмү буенча 49 полигонның унөче тулысынча тулган. Бу хакта Татарстан Төзелеш, архитектура һәм торак-коммуналь хуҗалыгы министрлыгы коллегиясенең киңәйтелгән утырышында ведомство башлыгы Ирек Фәйзуллин хәбәр итте.
«Калдыкларны урнаштыру буенча дәүләт реестрында 49 полигон бар, калдык ресурслары 5 млн 300 мең тонна тәшкил итә. 13 полигон тулысынча тулган», - диде ул.
Татарстанда бер ел эчендә 1 млн 613 тонна (12 млн. 443 мең куб. метр) каты коммуналь калдыклар барлыкка килә. Алар 12 мең 76 контейнер мәйданчыгында җыела, дип өстәде спикер.
- 2019 елның 1 гыйнварыннан республика калдыклар белән эш итүнең яңа системасына күчте. Калдыклар белән эшләүдә ике төбәк операторы хезмәт күрсәтә: көнчыгыш зонадагы "Гринта" ҖЧҖ һәм көнбатыш зонада «УК “ПЖКХ”» ҖЧҖ.