Татарстанда карлы салкын һава торышы саклана
28 декабрьдә төнлә -7...-12 градус, көндез -5...-10 градус салкын булачак.
(Казан, 27 декабрь, “Татар-информ”). Татарстанда 28 һәм 29 декабрьдә вакыты белән кар явып, тыныч һава торышы саклануы көтелә. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
28 декабрьдә төнлә -7...-12 градус, көндез -5...-10 градус салкын булачак.
29 декабрьдә салкынайта. Һава температурасы -11...-16 градус, көнчыгыш районнарда төнлә һәм иртән, шулай ук аязганда -21 градус салкын фаразлана.
30-31 декабрьдә республикада төнлә һава температурасы -19...-24 градус салкын, түбән урнашкан районнарда һәм аязганда -29, көндез исә -14...-19 градус салкын булачак, дип хәбәр итә синоптиклар.
- “Татар-информ” Татарстанда Яңа ел төнендә -24 градус салкын була, дип хәбәр иткән иде.