news_header_top
16+
news_header_bot
news_top

Татарстанда кар, яңгыр, томан һәм бозлавык көтелә

Татарстанда кар, яңгыр, томан һәм бозлавык көтелә
Фото: © «Татар-информ», Солтан Исхаков

Бүген, 25 мартта, Татарстанда атмосфера фронты тәэсирендә һава шартларының начараюы һәм температура фонының түбәнәюе көтелә. Бу хакта ТР Гидрометеорология үзәге хәбәр итә.

Республикада аязучан болытлы һава булачак. Көнчыгыш районнарда урыны белән юеш кар һәм яңгыр явуы көтелә, иртән бозлавык хасил булуы ихтимал. Моннан тыш, иртәнге сәгатьләрдә кайбер урыннарда төнлә төшкән томан сакланыр.

Секундына 2 метрдан 7 метрга кадәр булган җил вакыт узу белән юнәлешен көньяк-көнбатыштан көнчыгышка һәм төньяк-көнчыгышка үзгәртәчәк. Иртән юлларда урыны белән бозлавык сакланачак.

Төнлә 0, -5, ә аязганда -8 градус салкыннан соң тәүлекнең якты вакытында Татарстанда һава 4-9 градуска кадәр җылыначак (Казанда +7, +9 градуска кадәр).

news_right_1
news_right_2
news_bot