Татарстанда кар катламы декабрьдә генә ятачак – синоптик
Скопировать ссылку
Татарстанда бу атнада кар каталмын көтәргә кирәкми, чөнки моның өчен тиешле һава шартлары юк. Бу хакта «Татар-информ» агентлыгына «МЕТЕО» фаразлау үзәге синоптигы Александр Ильин хәбәр итте.
Ул билгеләп үткәнчә, дүшәмбе Татарстанда һәм республика башкаласында һава температурасы 0..-2 градус булачак. Сишәмбе һәм чәршәмбе көннәрендә Казанда +4..+5 градуска кадәр җылытачак. Шулай ук чәршәмбедән пәнҗешәмбегә каршы төндә шәһәрдә бераз кар яварга мөмкин.
«Җомга көнне көндезге сәгатьләрдә Татарстанда, шул исәптән Казанда да яңгыр явачак, ә һаваның иң югары температурасы +3 градус тәшкил итәчәк», – диде агентлык әңгәмәдәше.