Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда канализация агынтылары туфракның уңдырышлы катламын юк иткән
Экологлар Лениногорск туфрагында аммоний һәм зыянлы нефть продуктлары тапкан.
(Казан, 3 февраль, «Татар-информ»). Лениногорскида чистартылмаган канализация агынтылары туфракның уңдырышлы катламын юк иткән. Бу хакта Татарстан Экология һәм табигый байлыклар министрлыгы матбугат хезмәте хәбәр итә.
“Пычранган участокның мәйданы 109 кв. м тәшкил итә. Экологлар туфрак һәм канализация агынтылары үрнәкләрен алганнар. Лаборатория тикшеренүләре агынты суында аммоний күләме - 41 тапкыр, ә нефть продуктлары 3,3 тапкыр артканлыгын күрсәткән. Туфракта аммоний азоты 6,9 тапкыр һәм нефть продуктлары 7 тапкыр артканлыгы ачыкланган”, - диелгән ведомство хәбәрендә.
Лениногорск оешмасына карата "Экология таләпләрен үтәмәү" һәм "туфракның уңдырышлы катламын юк итү" маддәләре буенча административ беркетмәләр төзелгән.
Экология таләпләрен бозучы 60 мең сум күләмендә штраф түләячәк һәм бер айда хокук бозу нәтиҗәләрен бетерергә тиеш.
Кызыклы яңалыкларны күзәтеп бару өчен Телеграм-каналга язылыгыз