Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда кәбестә бәясе 20 процентка төшкән
Татарстанда бер атна эчендә – 24 июньнән 1 июльгә кадәр кәбестә һәм бәрәңге, шулай ук банан һәм помидорга бәяләр төшкән. Татарстанстат шундый мәгълүматлар китерә.
Статистика мәгълүматларына караганда, бу вакыт эчендә барыннан да күбрәк кәбестә арзанайган: аның бәясе берьюлы 20 процентка – бер килограммы өчен 47 сумнан 37 сумга кадәр кимегән. Моннан тыш, бәрәңгенең бәясе 15 проценка төшкән – килограммы 63 сумнан 54 сумга кадәр.
Шул ук вакытта кишер һәм банан 5 процентка арзанайган һәм хәзер кишернең бер килограммы – 57, ә бананныкы 97 сум тора. Помидор бәясе 7 процентка – 104 сумга кадәр кимегән. Бер килограмм шикәр комының бәясе 3 процентка – 72 сумга кадәр, ә карабодай ярмасының бәясе 2 процентка – 115 сумга кадәр төшкән.
Күрсәтелгән атна эчендә аеруча кыяр кыйммәтләнгән – килограммы өчен 2 процентка артып, 82 сумга җиткән. Шулай ук сыер итенә бәяләр арту күзәтелә – бер килограммы өчен 475 сумга кадәр, дөге бәясе 97 сумга хәтле һәм атланмай 673 сумга кадәр арткан.
Кызыклы яңалыкларны күзәтеп бару өчен Телеграм-каналга язылыгыз